കവിതയെയും സംഗീതത്തെയും സ്നേഹിക്കുന്നവരെ ഈ സംരംഭം നിങ്ങള്‍ക്ക് വേണ്ടിയുള്ളതാണ്. ചിലപ്പോള്‍ കവിത അഗ്നിയാണ്, ചിലപ്പോള്‍ ഇളംകാറ്റാണ്, ഒരു ജലതരംഗകമ്പനം പോലെ തരളമാകുവാനും, ഇടിനാദം പോലെ ഗംഭീരമാകുവാനും കവിതയ്ക്ക് കഴിയും. വൈവിധ്യമാര്‍ന്ന ഈ നാദങ്ങളെല്ലാം മനുഷ്യഹൃദയത്തിനുള്ളില്‍ ഉറങ്ങുകയാണ്. ഒരു പ്രേമചുംബനസ്മൃതി പോലെ, ഒരു വിഷാദമന്ദസ്മിതം പോലെ, ഒരു പേലവ നിമിഷത്തില്‍ ജനിച്ച ഏതാനും കവിതകള്‍ ഞങ്ങള്‍ നിങ്ങള്‍ക്കായ്‌ പരിചയപ്പെടുത്തുകയാണ്.. കാവ്യദേവതയ്ക്കൊരു കാവ്യാഞ്ജലി പോല്‍ ..
ബ്ലോഗ് എന്ന മാധ്യമം ജനകീയമാകുന്നതുവരെ നിലവിലുള്ള ബ്ലോഗര്മാരില് നിക്ഷിപ്തമായിട്ടുള്ള ചില ഉത്തരവാദിത്വങ്ങളുണ്ട്. ബ്ലോഗ് എന്ന നവ മാധ്യമത്തെ പ്രചരിപ്പിക്കുക എന്നതുതന്നെയാണതില് പ്രധാനം. കേരളത്തിലെ ഇന്റെര്നെറ്റ് കഫേകളീല് മലയാളം യൂണിക്കോട് നിര്ബന്ധമായും ഇന്സ്റ്റാള് ചെയ്തിരിക്കാണമെന്ന ഒരു നിബന്ധന തന്നെ സര്ക്കാരിനെക്കൊണ്ട് നടപ്പിലാക്കിക്കേണ്ടതുണ്ട്.
എന്നെക്കുറിച്ച്
- ചേറൂർ പ്രദേശം ഒരു വിഹഗ വീക്ഷണം
- എന്റെ നിറഞ്ഞ വാചാലതകള്ക്കിടയിലും കനത്ത മൌനത്തിന്റെ ഇടനാഴികളുണ്ട്. എന്റെ വിരിഞ്ഞ പുഞ്ചിരിക്കിടയിലും ഖനീഭവിച്ച ദു:ഖത്തിന്റെ വിരല്പ്പാടുകളുണ്ട്. വാക്കുകളുടെ ചിറകൊടിയുമ്പോള് ചിരിയുടെ നിറം മങ്ങുമ്പോള് ഓര്മ്മകളുടെ ചിതല്പ്പുറ്റിലേക്ക് ഞാന് നുഴഞ്ഞു കയറുന്നു. മൌനത്തിന്റെ ചത്ത വിത്തുകള് അവിടെ ഉപേക്ഷിച്ച് പുതിയ ചിന്തകളുടെ മൊഴിത്തിളക്കവുമായി വർത്തമാനത്തിലേക്കു ഞാൻ തിരികെയെത്തുന്നു എങ്കിലും എന്റെ ഓര്മ്മകളുടെ കളിമണ് വിളക്കില് എണ്ണ വറ്റിതുടങ്ങി,എനിക്ക് ചുറ്റുമുള്ള അന്ധകാരത്തിന് കനം കൂടി വരുന്ന പോലെ ഇതൊരു യാത്രയുടെ തുടക്കമായിരിക്കുമോ... നന്മയുടെ മാലാഖമാര് എന്നെ മാടി വിളിക്കുന്നുണ്ടെന്ന് തോന്നുന്നു. കണ്ണീരിന്റെ കണക്കുകള് മാത്രം ബാക്കി വെക്കാം, പകരം നല്കാന് ഒന്നുമില്ല.ശകാരങ്ങളും ശാപ വാക്കുകളും കൊണ്ട് എന്നെ പൊതിഞ്ഞു കൊള്ളൂ... ജീവന് അറ്റ് പോകുന്നതിനു മുമ്പ് ഞാന് അത് കേള്ക്കണം. ഒരു ചെറിയ സ്വപനം കൂടി ഞാന് ബാക്കി വെച്ചോട്ടെ? " ഇനിയും ഒരു ജന്മം വേണം ഇവിടെ-ഒരു പാട് വര്ണ്ണങ്ങള് ഉള്ള ഒരു പൂമ്പാറ്റയെ പോലെ,നീയെന്ന മനോഹര പുഷ്പത്തിന് ചുറ്റും, തൊട്ടും തലോടിയും ഉമ്മ വെച്ചും പറന്നു നടക്കാന് വേണ്ടി മാത്രം"
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ